• انتشار: ۱۵ سرطان ۱۳۹۶
  • ساعت: ۱۲:۰۱ ب.ظ
  • سرویس: سیاسی
  • کدخبر: 4575
  • لینک کوتاه: http://www.barchinews.com/?p=4575

رییس‌جمهور به تاجیکستان رفت

رییس جمهور غنی صبح امروز پنج‌شنبه با یک هیات ارشد دولتی بخاطر اشتراک در دومین نشست مقام‌های کشورهای پروژه کاسا یک هزار به دوشنبه، پایتخت تاجیکستان رفت.

رییس جمهور غنی صبح امروز پنج‌شنبه با یک هیات ارشد دولتی بخاطر اشتراک در دومین نشست مقام‌های کشورهای پروژه کاسا یک هزار به دوشنبه، پایتخت تاجیکستان رفت.

بربنیاد خبرنامه ارگ، رییس جمهور در این نشست با امام علی رحمان، رییس جمهور تاجیکستان در مورد گسترش بیشتر روابط میان دو کشور، دیدار و گفتگو خواهد کرد.

پروژه کاسا یک هزار، قرار است برق قرغزستان و تاجیکستان را از طریق افغانستان با هزینه بیش از یک میلیارد دالر به پاکستان انتقال دهد.

با راه اندازی این پروژه که طرح آن یک دهه پیش ریخته شده بود، برق این دو کشور با طول ۱۲۵۰ کیلومتر به افغانستان و سپس به پاکستان انتقال خواهد یافت.

با ایجاد یک دستگاه در شهر پلخمری در شمال کشور، بیش از ۳۰۰ میگاوات برق به افغانستان توزیع خواهد شد و بقیه به پاکستان.

مقام اول حکومت افغانستان در این سفر یک روزه در نشست سه جانبه رهبران کشورهای افغانستان، تاجیکستان و پاکستان نیز اشتراک کرده و از نمایشگاه محصولات زراعتی و مواد غذایی جمهوری تاجیکستان دیدار خواهد کرد.

در این سفر اکلیل حکیمی وزیر مالیه، عبدالستار مراد وزیر اقتصاد، داکتر محمدهمایون قیومی مشاور ارشد رییس جمهور در امور زیربناها، محمدشاکر کارگر نماینده خاص رییس جمهور در امور کشورهای آسیای میانه و شاه‌زمان میوندی مشاور ارشد رییس جمهور در امور روابط عامه و ارتباطات استراتیژیک، رییس جمهور را همراهی خواهند کرد.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *